Hlutverk tónlistarskóla er að:

Stuðla að aukinni hæfni nemenda til að flytja, greina og skapa tónlist og
til að hlusta á tónlist og njóta hennar, m.a. með því að þjálfa tóneyra þeirra
og einbeitingu, veita þeim fræðslu og auka færni á sviði hljóðfæraleiks, söngs
og tónfræðagreina.
Búa nemendur undir að geta iðkað tónlist upp á eigin spýtur, m.a. með
því að veita undirstöðuþekkingu, efla sjálfsaga og sjálfstæð vinnubrögð nemenda,
jafnframt því að örva þá til að leika tónlist og syngja, bæði eina og
með öðrum.
Búa nemendur undir nám í tónlist og skyldum greinum á háskólastigi,
m.a. með því að veita þeim góða tæknilega tilsögn í hljóðfæraleik og söng,
markvissa þjálfun í tónfræðagreinum og tækifæri til að koma fram.
Stuðla að auknu tónlistarlífi, m.a. með því að hvetja til virkni nemenda og
kennara í almennu tónlistarlífi, með samvinnu við aðrar mennta- og menningarstofnanir
og samstarfi við listamenn.

Markmið tónlistarskóla

Meginmarkmið tónlistarskóla:
Meginmarkmið skiptast í þrjá flokka: uppeldisleg markmið, leikni-og skilningsmarkmið
og samfélagsleg markmið.
Uppeldisleg markmið stuðla að auknum tilfinningaþroska nemenda,
listrænum þroska, mótun viðhorfa, samvinnu og ögun.
Leikni- og skilningsmarkmið stuðla einkum að aukinni færni og þekkingu
nemenda.
Samfélagsleg markmið stuðla að þátttöku í fjölbreyttri mennta- og menningarstarfsemi.

 

Almennar skólareglur

1. Nemandi skal alltaf vera stundvís og mæta vel undirbúinn í tíma skv.
fyrirmælum kennara. Nám í tónlistarskóla er að stórum hluta byggt á heimanámi. Lágmarks æfingatími á dag er 20 mínútur og þarf nemandinn að geta æft sig í ró og næði.
Stuðningur heima fyrir er nauðsynlegur í tónlistarnáminu. Öll hvatning er góð og getur skipt sköpum í náminu. Samstarf foreldra og kennara er einnig mjög mik-ilvægt og er foreldrum alltaf óhætt að hafa samband við kennarann á skólatíma.
 

2. Nemendur skulu kappkosta að ganga vel um skólann sinn. Sé nemandi staðinn að óviðunandi umgengni eru forráðamenn hans skaðabótaskyldir. Einnig eru nemend-ur og forráðamenn þeirra ábyrgir fyrir hljóðfærum sem þeir leigja af skólanum.
 

3. Tilkynna skal forföll með eins góðum fyrirvara og unnt er. Skólinn endurgreiðir ekki skólagjöld vegna veikinda nema um slys eða alvarleg veikindi sé að ræða. Skal þá leggja fram vottorð frá lækni.
 

4. Ef nemandi mætir 15 mín. of seint í tíma skráist fjarvist. Ef mæting nemanda er slök er haft samband og samráð við foreldra um viðbrögð en sé mæting óviðunandi getur komið til þess að nemanda verði vísað úr skólanum.
 

5. Ef kennari veikist er alltaf reynt að ná sambandi við heimili eða vinnustað foreldra. Kennara er ekki skylt að bæta nemanda upp tíma sem falla niður vegna veikinda hans. Ef kennari er veikur lengur en eina viku er reynt að útvega forfallakennara eða bæta nemandanum það upp með einhverjum hætti.
 

6. Ætlast er til að nemendur fari úr skóm og yfirhöfnum í anddyri skólans. Gæta skal þess að skilja ekki eftir verðmæti í yfirhöfnunum. Einnig skal gæta þess að skilja ekki eftir hljóðfæri í anddyri eða á göngum skólans.
 

7. Nemendum er ekki heimilt að dvelja á kennaragangi, kaffistofu og í sal nema með leyfi og undir eftirliti kennara.
 

8. Nemendum er skylt að ganga hljóðlega um skólann og fara eftir fyrirmælum starfsmanna um umgengni.
 

9. Vilji nemandi koma fram utan skólans, en í nafni hans eða flytja þá tónlist sem unnið er með í náminu hverju sinni, er sjálfgefið að hann hafi samráð við kennara sinn.
 

10. Þegar óveður geisar þá er foreldrum í sjálfsvald sett hvort þeir sendi börn sín í skólann eða ekki.